Como consecuencia das medidas adoptadas pola crise sanitaria xerada polo Covid-19, tal e como vos adiantabamos no último post do blogue, tanto a actividade formativa en Estudios Rafer como as prácticas nos centros de traballo víronse temporalmente suspendidas.
Esta situación afecta directamente tamén aos cursos que ían comezar o próximo 1 de abril: «Desenvolvemento de proxectos de instalacións caloríficas» e «Operación de sistemas informáticos». O inicio aprazarase a unha data aínda por concretar en función da evolución da situación xerada polo coronavirus. Aqueles alumnos que pasaran o proceso de selección manterán a súa praza e en canto sexa posible reabriremos un prazo de pre inscrición para cubrir as vacantes restantes. De todo iso iremos informando puntualmente nas nosas redes sociais e na nosa web.
Rogámosvos paciencia e pedímosvos tamén que cumprades cos protocolos establecidos polas autoridades. Se todos poñemos da nosa parte poderemos recuperar a actividade habitual moito antes.
